Categories
Beauty Fashion & Style Featured Haiti Lifestyle Love & Sex Relationship

L’ARTISTE ROMEOMANIA EST SOUS LE CHARME D’UNE JOLIE DEMOISELLE.

L’ARTISTE ROMEOMANIA EST SOUS LE CHARME D’UNE JOLIE DEMOISELLE.

Après le dernier single “POSITIVER” qui a récolté plus d’un million de vues sur YouTube, Romeomania revient pour nous dévoiler sa première vidéo pour la rentrée musicale “LAISSE TON NUMERO” avant d’aller car il a tant de choses à te dire jolie demoiselle.

Nous pouvons constater qu’il nous a régalé d’une magnifique réalisation grace à la collaboration du jeune réalisateur ivoirien Bouba Atkins (AEROPIXELPROD) avec des décors très naturels (plages, belles femmes, chorégraphie de danse) vues aériennes etc.

https://www.youtube.com/watch?v=ps9wgXu-x48

Nous avons appris par le staff de l’artiste que la chanson est déjà en rotation sur des grandes fréquences dans le monde telles que : AGORA FM, MEUF IN, MOVE HITS RADIO, TSSY (FRANCE), WQRY, Indeez Station (USA) et récemment sur le compte snapchat de l’artiste nous avons remarqué sa présence dans les studios d’une grande radio marocaine HIT RADIO émettant dans plusieurs pays du monde.
Romeo

romeo 2

En tout cas ne partez pas sans laisser vos numéros parce que le staff d’Anmwe aura toujours des choses à vous dire.

Bon Succès à Romeomania !!!

Categories
Beauty Fashion & Style Featured Haiti Love & Sex

HAITI: Ruthelle Guillaume déclare n’avoir jamais tromper aucun de ses petits amis ( VIDEO )

PORT-AU-PRINCE – Pour la 2e participation de la star Rutshelle Guillaume à l’émission Pi Lwen Ke Zye présenté par Junior Rigolo, l’animateur vedette lui a demandé si elle avait déjà trompé son partenaire.

Elle a longtemps hésité avant de demander des précisions sur la question. Ce doute laissait croire des choses aux téléspectateurs. Après sa réponse: Non je n’ai jamais trompé mon mec, Rigolo était tombé par terre en disant : Woy mwen mouri, Rutshelle ou touye m.

rutshelle

source: buzzmonde.com

Categories
Health Love & Sex

Yon mesye gen yon penis ki peze 10 liv e li pa ka fè sex ankò

Yon mesye ki itilize silikonn pou li te ka fè penis li pi gro ebyen misye vin gen yon gro “BAKA” ki vin twòp pou pantalon li, li vin gen anpil difikilte pou li gen rapò seksyèl. Micha Stunz ki fè konnen depi lè li te gen 20 ans, li te toujou vle gen yon gro anakonnda, e sa te pouse li pran premye ponp silikonn li.

Mesye sa ki gen 45 ans di penis li mezire yon afè de 9 pous (22,8 cm), epi 3,5 pous (environ 9 cm) de sikonferans, e li estime ke toro a peze yon afè de 10 liv. Grosè penis li vin gen konnye a li pèmanan, e sa fè li santi li pi byen.

8 jan de gason ki p’ap janm fè yon bon mari

E byen enjeksyon sa yo misye te pran yo anpeche li fè sex, e se yon mizè pou li ka gen ereksyon. Lè afè li kanpe ou pa ka wè sa akoz de tout silikonn yo li enjekte nan penis li an.

Micha Stuns afime ke l’ap viv yon vi nòmal menm si li dwe kache penis 10 liv sa li pote an, an piblik. Li te resevwa 4 entèvansyon de enjeksyon malgre doktè li te fè li konnen sa pa t’ap bon pou li, paske sa te ka domaje penis li ak scrotum li epi tiye testikil li yo. Men konnye a misye gen yon bagay devan’l ki twòp pou li

Li plis de sa sou DAILY MAIL

micha-stunz-penis

Categories
Love & Sex Relationship

Yon fi an Nigeria mande mari’l divòse pou trò gro kanbèlann

NIGERIA – Nan yon tribinal nan eta Zamfara, anpil moun te trouve plezi diran 2 moun marye ki t’ap divòse, sa ki te koz plezantri sa, se rezon madanm nan te bay jij lan pouki sa li te vle divòse ak mari’l.

Aisha Dannupawa, ki se yon madanm marye ki genyen 3 pitit te mande tribinal lan pou li te kraze mariyaj li gen avèk Ali Maizinari, paske li pa ka sipòte penis li trò gro. Aisha te fè tribinal la konnen li te marye avèk mari’l apre premye mariyaj li pa te mache, daprè sa Nigeria’s Tribune te ripòte. Li di avan li t’al rete avèk Maizinari, jan tradisyon mande’l la, li te envite’l kay paran’l. Men se lè yo t’arive fè sex se lè sa li wè nan ki sa li pran. Aisha di li te gen anpil doulè paske penis Maizinari trò gro.

LI ATIK SA TOU: La Caricom cesse ses contacts avec la République Dominicaine

Li di tribinal lan, li te si tèlman gen doulè li te oblije pran remèd pou li te ka santi’l mye, e se manman’l ki te fè remèd pou li. Li di manman’l ki sa li pran e nan ki doulè li te ye, men manman’l di’l, se paske li poko abitye, avèk tan li p’ap santi doulè ankò. Apre 2 jou Maizinari te retounen vin wè li , yo fè sex ankò, men eksperyans sa te trò di pou li, se lè sa li santi ke li p’ap t’ap ka kontinye ak maryaj sa, paske penis li trò gro.

Maizanari pa te demanti sa madanm li t’ap di an. Li di tribinal la, li pa gen pwoblèm pou li divòse avèk li, men fò li remèt li lajan li te depanse pou li te aranje mariyaj la. Lè jij lan te mande’l konbyen kòb, Maizanari te di N60,000 ki se yon afè de $296 US.

LI ATIK SA TOU: La République Dominicaine ferme temporairement ses consulats

Tribinal la te ba yo yon lòt dat pou yo retounen, jij lan te di yo pou yo chèche mwayen pou wè si yo te ka rekonsilye.

wife-runing-away

SOURCE: tribune.com.ng

Categories
Haiti Lifestyle Love & Sex Relationship

Gason Ayisyen pami gason ki gen pi gwo ( pénis ) nan mond lan

Nan yon Atik ki ap fè BUZZ sou internet la depi kèk ane, e yon nouvo atik ki kontinye ap fè plis moun nan diferan peyi pale anpil, ebyen, daprè rechèch yo fè, gason Ayisyen pami gason ki gen pi gwo ( pénis ) nan mond lan. Malgre yo pa nimero 1 nan lis ki soti a, men kanmenm, yo nan yon bon pozisyon.

KLIKE SOU LYEN SA POU W KA LI ATIK SA: Drapeau de la Rep. Dominicaine brûlé devant le consulat dominicain à Port-au-Prince

An reyalite, yo toujou di ke gwosè pati prive yon gason pagen anyen pou wè ak fason ke li pèfòme, se sa’k fè si nou ta mande diferan fi sa yo panse de gason ki gen gwo penis ak gason ki gen ti penis, majorite fi t’ap di, depi yo ka fè travay la byen. Epoutan, menm lè’w tande yon fi di sa pa vrèman enpòtan, men li trè trè enpòtan pou gason an, e rezon an senp.

KLIKE SOU LYEN SA POU W KA LI ATIK SA: Djakout #1 tanporèman pa ka antre aux Etas Unis (USA)

sexxx

Lè yon gason gen ti pénis, konfidans li diminye, li menm pè retire rad li devan fi, li toujou rete kwè ke li pap ka satisfè fi a, li toujou rete kwè ke fi a pral griyen dan sou li, li toujou rete kwè si li ta rive nan kont ak fi sa, fi sa pral avili l, li toujou rete kwè yon jou, fi sa ap rive twonpe l oubyen kite avèk li. Se sa’k fè nan system Ayisyen an, nou toujou tande gason ap pale de yo bezwen grès cacao, yo bezwen grès koulèv pou yo pase nan devan yo pou li ka vinn pi gro, se sa’k fè ou toujou gen nèg ki mezire afè yo ak kòd patat, ak pye bannann, etc…

KLIKE SOU LYEN SA POU W KA LI ATIK SA: Rep. Dominicana : Mauvais calvaire pour les grenadiers U-17 à Punta Cana

Haiti

sex 1

size

Categories
Opinion Relationship

8 jan de gason ki p’ap janm fè yon bon mari

RELATIONSHIP – Gen anpil gason deyò an ki ka fè yon bon mari oubyen patnè avèk ou, pou ou ka leve yon fanmiy apre sa pou nou viv kè kontan jis ka la fen dè tan. Men kon sa tou gen yon seri de gason deyò a, ou pa menm bezwen kraze kò’w pou chanje li, paske li pa gen nati sa lakay li pou li fè yon bon mari oubyen patnè.

1-Banbochè, trichè
Antre an reyalite avèk tèt ou, li gen regrè pa’l. Ti bout tan sa ou gen ansanm ak li an, li deja pase 2 lòt fi oubyen plis ke sa sou ou. Li te di’w li pa t’ap fè sa ankò, ba li yon lòt chans. Eske ou ka fè’l konfyans ankò. Bon si ou menm se fi sa li te triche ansanm ak li an, sa’k fè ou panse li chanje, e li p’ap pral triche sou ou tou.

2- Briseur de coeur, Nèg k’ap brize kè
Li la l’ap ponpe sou kè’w, li pase pye sou li, li jete li nan fatra, li pa janm pran menm yon ti tan pou li fè’w menm yon ti eskiz. Me konnye a l’ap mande’w retounen, e w’ap panse a ba li yon lòt chans. Kesyon sa vrèman difisil. Eske li sensè? Eske li admèt ke li te gen tò e pi li fè yon eskiz trè pwofon a ou menm. Si li pa sou jenou’l ak, 2 ran dlo, 2 ran larim ou pa menm bezwen okipe’l, pa gade’l tan kou yon chyen menm.

3- Yon bouro de travay, sèl nan travay li rete
Li fè 16h de tan ap travay, se pa paske li nan yon sitiyasyon fò li fè’l non, li fè’l se paske li vle. An nou serye, si li renmen travay li plis ke li renmen ou, sa’k fè’w panse kè’w pral kontan lè Nwèl ak premye Janvier rive epi li nan travay oubyen li gen yon biznis l’al regle nan yon lòt vil, lòt peyi.

4- Tèt li toujou an premye
Li mete tèt li an premye plis ke li mete ou menm ak li kòm yon koup premye. Malgre ou di’l sa plizyè fwa, li toujou rete jan li te ye an. Alò ou mèt konnen li p’ap chanje. Ou ka rete nan relasyon sa wi, sè si ou pa gen pwoblèm jere plas dezyèm nan, men ou mèt rete kwè kè ou p’ap kontan.

5- Yon atoufè, bwasè
Ok ou gen yon nèg se bwase l’ap bwase pou li viv. Sa ka rive bòs travay li se yon moun ki di li ye, men sa pa ba li rezon pou l’ap pran avantaj, oubyen pran bagay ki nan travay la. Ou mèt rete kwè li gen pou li fè’w menm sa l’ap fè bòs travay lan tou, paske se nan nati’l li ye.

6- Parese
Tout bagay nan kay la se ou menm ki pou fè’l, si ou p’al travay anyen paka peye, tandiske misye la sèl sa li fè, se dòmi, leve, gade tele, al pase tan ak zanmi’l, bwè byè e li p’ap leve menm yon ti pay pou li ede’w. Se pou konbyen tan w’ap ka tolere sa. Eske ou panse nèg sa pral chanje. Si li vin gen yon ti moun avèk ou eske l’ap pote patisipasyon’l pou’l ede’w leve ti moun sa. Yon sèl bagay depi ou pran sant lafimen ou mèt poko wè dife ou mèt rete kwè gen yon bagay k’ap brile. Alò pa rete tann demen pou w’ap di si’w te konnen, paske depi jodi a, ou deja konnen, ou jis ap inyore verite an.

7- Li toujou ap kouri
Li pa janm la depi gen yon pwoblèm menm si se nan relasyon oubyen kèk pwoblèm ki gen pou wè ansanm avèk ou. Ekzanp Ou gen yon moun nan fanmiy ou ki mouri, se lè sa li fè’w konprann ke li gen pou l’al regle yon bagay. Li pa la lè ou gen lanmò, maladi, maryaj, reyinyon familyal. E lè fanmiy ou ap mande pou li, ou toujou gen yon ekiz w’ap fè pou li. Ou pa janm ka jwenn sipò li lè ou bezwen’l.

8- Vyolan
Ou avèk yon nèg, avan ki lè se men’l l’ap leve sou ou. Ou pa ka menm ouvè bouch ou pou ou ba li opinyon’w. Men se ki lè w’ap reyalize relasyon sa si pou pa soti ladan se 3 bagay k’ap rive’w. 1- l’ap kokobe’w, 2- Ou pral nan prizon, 3- W’ap mouri. Depi ou nan yon relsyon moun nan kòmanse ap atake’w vèbalman oubyen fizikman ou mèt kòmanse ap chèche yon pòt pou bay jete an. Moun sa p’ap chanje se pi mal li gen pou li pi mal.

Ou pa ka chanje moun, mete sa nan tèt ou. Se sèl moun nan ki ka chanje tèt li. Alò li bon pou ou konnen jis paske ou renmen yon moun sa pa vle di pou ou chita la ap soufri pou li. Aprann renmen tèt ou avan, se sèl fason sa moun ou ansanm ak li va renmen’w tou.

lazyblackman

Categories
Parenting Relationship

Se pouki sa madanm marye avèk fanmiy gason pa ka antann yo?

Se yonn nan pi gro pwoblèm ki ekziste nan relasyon fanm ak gason se lè madanm marye ak fanmiy gason pa ka antann yo. Gason sa menm anpil fwa trouve’l nan yon sitiyason kote li santi’l l’ap kwense, tout sa li fè se yon pwoblèm li ye. Li vin santi li elas, li fatige, paske depi li antre nan kay la toujou gen yon plent pou l’ap tande kont fanmiy li yo k’ap pèsekite madanm li e fanmiy ap vin di li konman madanm li ap derespekte manman li.

Ou plis trouve pwoblèm sa lè ke pitit gason sa se li menm ki t’ap ede fanmiy sa a. Lè li vin marye tout fanmiy li mete nan tèt yo ke gason sa p’ap ede yo ankò, e fi sa vin retire manje nan bouch yo. Pafwa manman gason sa mete nan tèt li ke se li menm ki te konn ap goumen pou bay pitit li lavi, alò lè pitit li ka fè pou li, li wè yon fi vin pran tout syè li nan men’l ebyen li leve kanpe pou li rann la vi fi sa difisil.

Men sa ki pi mal lan se lè frè avèk sè gason an mete ansanm ak manman pou yo detwi sa gason sa gen avèk madanm li. Yo foure bouch yo byen fon nan bagay ki pa regade yo. Yo tounen detektiv pou y’ap siveye fi sa. Yo monte pawòl sou fi sa, di li di, di li fè sa li pa menm konnen jis pou yo ka mete dezinyon antre gason ak fi an. Rayisman fanmiy gason sa konn si fò menm pitit gason sa yo pa renmen. Di pitit sa pa pou mesye an, jis paske pitit lan pa sanble ak papa, san yo pa mete nan tèt yo pitit la ka sanble ak fanmiy fi an tou.

Men pafwa se pa fanmiy gason an ki kreye pwoblèm nan. Gen yon seri de fi ki antre nan yon fanmiy toudenkou li vle pou mesye a sispann ede fanmiy li. Depi gason an fè yon bagay pou fanmiy li, bouch fi sa gentan rive dèy tèt li. Se lè sa pitit sa pa te gen sa, gason sa pa janm fè anyen pou pitit li, se sèl fanmiy li li wè. Fanmiy gason an pafwa pa ka menm vin lakay li, e li pran ti moun yo li elwanye yo de fanmiy gason an. Tout sòt akizasyon ap monte. Fi an fè fribòm li pa ka fè ti moun li lage chay la sou fanmiy gason an, se yo menm k’al fè maji ki fè li pa ka fè ti moun.

Reyalite an se yon mank de edikasyon ki fè anpil fwa bagay sa yo rive. Ou jwenn fanmiy gason an ki pa respekte ròl yo, e ou jwenn fi a ki pa vle rekonèt ke gason sa te gen yon seri moun ki te nan vi’l avan li te rankontre’l e li gen yon devwa anvè moun sa yo. Si ou menm ou jwenn yon gason trè pwòch ak fanmiy li, ebyen ou mèt mete nan tèt ou ke ou gen pou aksete yon seri de bagay. E ou menm fanmiy gason sa tou fò nou mete nan tèt nou tou ke gason sa li gen vi’l pou li viv tou, plis nou kolabore ak madanm gason an se pi fasil n’ap fè vi’l. Pa mete’l nan yon pozisyon pou li chwazi, paske n’ap pèdi, gason sa gen plis chans pou li pran bò madanm li.

Sa ki tris lan sè ke majorite pitit Haitien tande kouman fanmiy papa yo te maltrete manman yo. Kouman grann yo pa te vle wè manman yo, kouman matant sa pa te janm vle wè manman yo. Men lè ou rive bò kote fanmiy papa’w ou aprann kouman papa’w se sèl fanmi li te wè. Alò se yon pwoblèm jalouzi pou anyen. Tou lè 2 bò vle se yo menm ki pou jwenn plis atansyon, san yo pa reyalize ke se madanm nan ki merite plis atansyon, e se nòmal pou gason an travay pou pitit li ak madanm li, paske se moun sa yo ki vi’l. Ni manman, frè, sè, ap fè vi pa yo.

Ou menm ki yon gason ki trouve’w nan yon sitiyasyon kon sa, li bon pou ou mete pye’w atè epi klase tout moun nan ròl yo. Fè manman’w konnen pa gen moun ki ka pran plas li an, e w’ap la pou li pou lavi paske li jwe yon ròl trè enpòtan nan vi’w. Frè ak sè yo, di yo ou renmen yo, e yo se fanmiy ou pou lavi, men yo gen fanmiy yo, alò kite’w viv vi’w. W’ap la pou yo, w’ap ede yo jan ou kapab. Madanm ou menm ou dwe pale ak li fè li konnen ke ou chwazi li pou ou fè vi’w ak li toutan li vle viv avèk ou, men li dwe aprann ke fanmiy ou yo trè chè a ou menm. Pa janm pran bò lè gen yon pwoblèm antre yo, jis bay tout moun tò yo. Si w’ap viv pre fanmiy ou al rete yon kote ki pi lwen yo si ou kapab, ap gen mwen diskisyon, mwens jalouzi. Epi mesye jere fanmiy nou, mete nan tèt ou ke ke yon fanmiy konpoze de pitit ou, madanm ou, ak ou menm, men sa pa bay madanm ou rezon pou l’ap derespekte manman’w, papa’w, frè’w ak sè ou.

black-couple-arguing

Categories
Relationship

5 bagay ou pa dwe fè si’w aprann ke mari’w gen yon lòt fanm sou ou

RELATIONSHIP – Anpil fi lè yo aprann ke mari yo ap banboche sou yo, premye sa ki nan lide yo se atake nèg lan. Wi emosyon ka koz ou fè anpil bagay, men yonn nan bagay pou pa fè se ba li Onè sa kote ou ap fè yon pakèt pale, kriye, chire rad oubyen vide loròks sou rad li. Lè ou gen bon jan evidans nan men’w ke l’ap pran plezi ak yon lòt fi sou gen 3 bagay ou dwe fè

1- Mete fanm sou ou, paske li gen kèk tan l’ap mache sou ou, ebyen ou dwe nanm sou fè li konnen ke konnye ou pa gen pou mache sou zòd li ankò.
2- Kenbe dinyite’w. Pa nan al desann figi’w devan lòt fanm al nan goumen pou nèg sa ki pa respekte’w lan. Epi lòt bagay pou mete nan tèt ou si fanm sa te nivo’w, li pa t’ap nan al ranse ak mennaj ou, se paske li se yon dezyèm men li ye ki fè l’al nan ranse, desann figi’l devan mari’w.
3- Pa al fè anyen ki pou fè polis vin mete minòt nan men’w.

1- Pa di’l anyen jis paske ou tande moun ap di’w ke mari’w gen yon lòt fanm sou.
Pa jis reyaji pa sa Geradine, Manoucheka, Rozette, Linda di’w, oubyen jis paske ou gen yon santiman ke l’ap fè yon degaje sou ou. Li bon pou gen bon jan evidans ki chita nan pla men’w. Pa ekzanp ou gen mesaj li menm ak moun fi an, ou gen resi kote li t’al manje, kado li te achte, kote li te ale nan cinema, foto li pran ak lòt fanm deyò li genyen an, etc… Si ou pa gen evidans sa yo, tounen detektiv, mete entèlijans ou deyò pou jwenn sa ou ap chèche a. Pa al nan akize’l jis paske ou gen lide ke l’ap fè yon bagay mal sou ou.

2- Pa janm, janm, janm, janm ki te li fè’w santi se ou ki antò.
Yon banbochè dwe responsab pou aksyon li. Ou pa te kenbe zam nan tèt li pou li te fè anyen. Piga ou al pran chay antò li mete sou, pou al panse se paske ou pa te fè sa, paske ou pa te gen tan pou li nan moman sa, e tou pa kite’l azade’l vin lage chay lan sou ou tou. Lè li te vin pale avèk ou, lè li te pran angajman pou li te marye avèk ou, se pa kidnape ou te kidnape li, li te deja konnen ki règleman, ki sa pou li ka fè ak sa li pa gen dwa fè. Alò lè ou ap pale ak li asire’w ke pye’w byen plante pou ou ka fè’l santi se yon fanm djanm k’ap pale ak li. Pa al nan al kriye devan’l, si se charye pou ou charye ebyen charye, oubyen si deyò w’ap mete’l flank deyò. Depi ou al nan kriye devan’l w’ap fè li santi ke li gen plis pouvwa sou ou toujou.

3- Pa bay tan pou li nan pran desizyon.
Li konnen trè byen ke li pran yon angajman avèk ou. Li pa merite pou l’ap di’w ki sa li vle, konnye a se ou menm boul la nan men’l, ou ka voye’l kote ou vle, ou ka pran nenpòt desizyon ki nan lide’w. Ou gen pouvwa pou ou di’l sa ou vle ki pou kòmanse jodi an, e kouman ou vle pou relasyon sa ye konnye a. Depi ou gen evidans ou nan men’w pa nan ba li tan pou l’al nan esplike’w koze. Mete fanm sou pou ou pale ak li, e sonje se ou menm ki gen dwa la pawòl, paske konnye a se ou menm ki anchaj relasyon sa a, si ou vle rete ladan ou rete, si ou pa vle rete tou jis vire do’w. Pa kite moun ap derespekte’w, e se sèl ou ki konnen sa k’ap bon pou ou. Sèl sa ou dwe konnen si w’ap rete ak li, pa fè li fasil pou li, fò ou trase yon ekzanp pou li mete nan tèt li pwochèn fwa li fè yon bagay kon sa li p’ap jwenn chans sa ankò.

4- Pa kriye
Yonn nan bagay pou ou konnen depi ou nan kriye pou yon moun k’ap fè ou mal ou tou di’l ke li ka refè’w menm bagay la ankò e ou p’ap fè yon pa. Wi w’ap gen anpil doulè, l’ap fè ou mal, men se lè sa w’ap bezwen pou ou pi djanm nan relasyon sa. Premye sa pou ou mete nan tèt ou ke maryaj/relasyon’w lan pa negosyab. Pa al nan plenyen, kriye, ni al mande’l pou ki sa li fè sa? Yonn nan bagay pou ou konnen ke li fè’l paske li vle fè’l. Fi an l’ap banboche ak li an pa fòse’l. E yonn nan rezon ki fè li fè’l se paske li pa respekte relasyon ou gen ansanm ak li an.

5- Pa al nan poze tèt ou kesyon pou ki sa li fè sa?
Ou pa responsab pou sa li fè an, alò ou pa gen rezon pou ap bay tèt ou pwoblèm pou li. Yonn nan bagay pou ou konnen pandan w’ap bay tèt ou pwoblèm, li menm li gen dwa se dan’l l’ap griyen ak zanmi’l. Konnye a sa ou gen pou ou fè se panse ki sa ou vle fè, e mete tout enèji’w sou fiti’w. Deside ki sa ou vle fè, apre ou jwenn yon desizyon kontinye ak vi’w san regrèt. Yonn nan bagay pou ou konnen lè ou konfronte yon banbochè gen anpil chans pou relasyon sa tou kraze, alò asire’w ke w’ap ka viv ak rezilta ki gen pou vini an. Mete fen nan yon relasyon se pa la fen du mond, men rete nan yon relasyon ki pa gen respè ladan ka mennen’w nan prizon oubyen anba tè. Pa kite pyès moun vin detwi vi’w.

black-couple-arguing

Categories
Relationship

5 siyn ki fè gason konnen li pral kriye pou fanm sa

RELATIONSHIP – Pou anpil gason yo pa reyalize ke yo fè madanm yo twòp, e sa ki pi grav la yo pa mete nan tèt yo ke fi an gen yon kantite l’ap pran nan men yo. Se yonn nan rezon ki fè jou fi sa di li fini avèk yo, yo te mèt al vann papa Bondye jounen, fi sa fini avèk yo nèt. Pou evite yon fi rive nan pwen sa ak ou, jis pa fè’l sa ou pa ta vle li fè’w.

Premye sa pou nenpòt moun ki nan yon relasyon mete nan tèt li ke li gen pou li kotize 50 pousan nan relasyon sa, epi respekte lòt, sipòte lòt, bay moun sa tout lanmou ki nan kè’l, etc… Yonn nan bagay pou ou pa fè se bay kè’w a mwatye, non ou pa ka fè sa ou dwe bay moun sa tout kè’w, envesti nan relasyon’w, pou demen ou ka jwi envèsman ou. Plis ou bay nan yon relasyon se plis ou ka jwenn anretou. Men pandan ou dwe bay tout ou menm a yon moun, asire’w ke moun sa pa jis la pou li pran avantaj de ou.

1- Li pa fè diskisyon avèk ou ankò
Si mennaj ou te konn ap pale pou tout sa ou te fè li pa renmen, e konnye a ou wè li pa di’w anyen pou menm bagay li te konn fache pou yo an, pa mete nan tèt ou ke li obeyi a ou menm oubyen li aksepte ak yo konnye a, men pito li bon pou ou ap poze tèt ou kesyon, pou ki sa li pa di anyen.

Ekzanp: Ou te toujou ap antre ta, lè telephone ou te konn ap sonnen li te konn vle konnen ki moun sa, li toujou t’ap pale paske ou pa pase tan ak li, etc… Ebyen jounen jodi li jis pa di’w anyen, li jis kite’w ap viv vi’w, ebyen ou mèt konnen li fatige avèk ou, e li pran vi’l an men pou ou pa yon pwoblèm pou li ankò.

2- L’ap ba ou distans
Ou vin trouve mennaj ou pa ba ou regle anyen pou li. Si ou la, ou la; si ou pa la tou, ou pa la. Li pa nan rele’w, ni voye mesaj pou ou jan li te konn fè li avan, pou li mande’w ki kote ou ye la. E ou menm lè ou rele’l oubyen ekri li, li pran tan pou li fè’w repons. Sonje o kòmansman ou pa te gen tan pou li, ebyen konnye a se li ki pa gen tan pou ou. Li sitèlman abitye ak ou ki pa konn la pou li, li aprann pou li fè tout afè’l li sèl li.

Nou menm lèzòm nou gen yon fason pou nou esye siviv nan nenpòt sitiyasyon nou ye, a lò lè ou gen yon moun nan vi’w kote nou te jire pou nou viv ansanm, e ou menm ou pa respekte kondisyon ki te pase an, o kòmansman moun sa ap pral fè tout mwayen ki posib pou li wè kouman pou sa mache antre nou, men apre kèk tan lè li wè ou p’ap chanje, e ni respekte mo’w, l’ap vin aprann ke li pa sitèlman bezwen’w jan li te panse li t’ap bezwen ou an. Meyè fason pou ou fè yon moun konnen li pa ka viv san ou, se mete tèt ou disponib tout tan pou li, pou ke lè ou pa la, pou li santi li manke’w.

3- N’ap viv tankou 2 moun ki pa konn lòt
W’ap viv nan kay ak mennaj ou, ou pa sonje ki dènye fwa ou menm avèk li pale, e lè nou pale li gen pou wè avèk pòsyon depans (bill) pa’w nan kay la, oubyen li gen pou wè ak ti moun yo. Madanm ou pa bay tèt li pwoblèm si ou manje, si ou gen rad ki pwòp. Madanm ou ba ou chanm nan l’al dòmi avèk ti moun yo.

La si ou bezwen madanm ou retounen jan li te ye avan ou mèt kòmanse al achte flè, pran yon ti poz sou zanmi ou yo, ou dwe bay tout fokis a madanm ou,mennen li soti, pran yon ti vakans ansanm. Paske la ka grav. Plis tan ou pran pou rezoud sa, se plis fi sa ap rale kò li sou ou.

4- Li pa vle fè sex avèk ou
Lè yon fi rive nan pozisyon kote li mete anbago sex sou ou, ou mèt konnen ke fi sa deside’l, pou li viv sèl, e nan moman la, chak fwa ou ouvè bouch ou pou di li yon bagay se kòm si se blese ou blese’l. Paske fi sa deja aksepte pou relasyon sa kraze, li aksepte pou li refè vi li, e li deja wè ke ou menm ak li pa ka gen yon vi.

Pou anpil gason depi fi an pa vle sex, yo mete nan tèt yo ke fi sa gen yon moun nan vi li deja. Wi ou ka jwenn yon ka kon sa, men majorite de fwa fi sa pa gen pyès moun nan vi’l, men li ka gen yon moun k’ap pale avèk li. Si ou bezwen madanm ou, li bon pou ou fè anpil atansyon, paske ou nan yon pozisyon ki trè frajil. Pa akize fi an, e an plis ou dwe rabese’w. Menm si ou gen rezon, ba li rezon an. Evite tout diskisyon, plis diskisyon w’ap fè ak li se plis chans w’ap bay nèg sa k’ap pale avèkl li an.

Chita panse ak tout sa li konn ap plenyen pou yo an. Fè yon lis ak yo, epi kòmanse rezoud yo yonn apre lòt, sèl fason l’ap gen lide retounen ak ou, se si li wè ou vle chanje. Nenpòt bagay ou te konn fè’w fache lontan menm si li ta fè’w yo konnye a, ou te mèt fache pou ou mouri, toujou rete kalm, depi w’al nan eksite, ou kraze tout bagay nèt.

5- Li pran tout afè’l li kite kay la oubyen li mete’w deyò
La ou mèt konnen ou pa gen fanm ankò. Ou kraze tout bagay, wi ou kraze relasyon sa. Ou kraze relasyon sa paske se sèl tèt ou ou wè. Depi yon fi kite kay la, oubyen li mete’w deyò, epi li chanje kle ki nan pòt lan, ou mèt konnen fi sa fini avèk ou. Chans pou li retounen avèk ou li trè mens. Pou li retounen ak ou, l’ap pran anpil tan, zanmi, paran, fanmiy, ki pou pale pou ou. Si ou ta va gen yon fanmiy oubyen zanmi fi sa ou pa alèz ak li, e se lakay li l’ale, pa al nan joure ak li. L’ap pi bon pou wè si ou ka pale avèk li pito.

Toujou rekonèt tò’w, pa bay ankenn moun pote chay ou. Paske lè fi sa t’ap mande’w pou ou pase tan ak li, pou antre nan kay la a lè, etc… se ou menm ki te chwazi pou ou pa te fè yo, se pa moun nan ou di ki t’ap ba li move konsèy yo ki te di’w pa koute madanm ou.

KONKLIZYON
Lè yon fi chwazi’w kòm mennaj li, mari li, nou menm gason dwe met nan tèt nou ke fi sa merite tout Onè, respè, e devwa’w se pou ou la pou li, fizikman e emosyonèlman. Fanm pa pè soufrans yo atake’l sou tèt. Malgre y’ap soufri yo toujou prè pou yo rete kenbe, menm si yo tonbe ou mèt rete kwè y’ap leve kanpe. Men le jou se yo ki deside lage an, ou te mèt ba yo tout sa ki ekziste nan mond lan, ou wè ou menm ou pa gason pou li ankò.

Nou menm gason nou toujou prè pou nou di ke nou fini ak fi sa. M pa’t renmen fi sa, malgre nou te gen plis ke 4 ane ansanm, nou pa bay fanm sa regle anyen pou nou, ebyen ou mèt rete kwè ou gen pou pran nan yon kout pa konprann. Se lè fi sa ale, se lè sa w’ap wè kouman fi sa pa te fanm pou nou, kouman ou pa te bay fanm sa regle anyen pou ou, ki jan ou te fini ak fi sa. Ou gen pou gen de ran dlo, de ran larim ap plenyen kòz nan pye fanm sa. Ou gen pou wè kouman fanm sa se meyè fanm sou latè, e ou pa bezwen konnen anyen, se fanm sa ou vle. Pa kite’w rive nan sitiyasyon sa, bay fanm ou tout enpòtans li merite, tout konpliman ki ekziste, ba li tou kè ou menm jan li ba ou tou li menm.

man_crying

Categories
Education Lifestyle

Me 9 rezon ki ka fè yon fanm klase yon gason kòm MAZORA

Pou anpil gason yo panse, pou yon gason MAZORA fò li pa konn abiye, mache, pale, li soti nan mòn, etc… Manyen yon fi san pèmisyon’l plis klase yon nèg kòm yon mazora. Aksyon yon gason plis kalifye kòm yon mazora, ke jan li abiye, jan li mache, oubyen kote li soti.

1- Pa konn jan pou ou abòde yon fi
Gen anpil bagay gason fè lè yo wè yon fi, yo ta renmen gen atansyon’l. Yonn nan bagay pou ou pa fè se kreye yon bri, pale fò pou moun nan ka wè’w. Premye bagay fi an ka rive panse nèg sa gen yon pwoblè, pou li ap fè tout bank sa yo. Yonn nan bagay gason pa mete nan tèt li ke fi an toujou pè si tou yon moun ke li pa konnen. Se yonn nan rezon ki fè nenpòt ti bagay fè yo sote. Se rezon pou sa pou ke ou pa janm touche, kenbe, rale yon fi ke ou pa konnen, si tou si li gen valiz nan men’l, telephone, li genyen bijou sou li. Ou te mèt nan yon CLUB ou pa dwe fè sa. Li toujou bon pou ou abòde yon fi pa devan, kote li ka fè kontak zye avèk ou.

2- Demontre fi an ou gen anpil lajan
Pandan ke fi renmen gason ki gen anpil lajan, men gen anpil fi ki pa renmen sa. Lè ou rankontre pou lapremyè fwa, ou pa bezwen nan rale tout lajan ki nan pòch pou ou chèche yon grenn dola. Fi an pa te di’w li pa gen lajan, pa gen rezon pou ap ofri peye pou li. Pa al nan Club achte yon bwason ba yon fi ou pa menm rekonèt epi pou mete nan tèt ou ke li pral danse avèk ou. Fi an pa te di’w li pa te ka jere BILL pa gen rezon pou ou gen tan ap di sa ou ka fè pou li.

3- Sou moun (Soumounòl)
Yonn nan bagay ou menm gason dwe met nan tèt ou, menm jan lè ou pa konn yon moun, ou vle moun nan kenbe distans li, se menm jan pou yon fi ki pa rekònèt ou tou li vle pou ou kenbe distans ou. Si ou menm ki yon gason remake yon fi ke ou ta renmen pale ak li, premye sa pou ou fè se gade eske si moun sa pa okipe. Yonn nan bagay pou pa fè se entèwonp yon moun ki nan telephone, oubyen ki nan yon konvèsasyon ak yon lòt moun. Premye bagay ou pa konnen eske sa moun nan ap pale de li an pa trè ijan. Toujou fè mwayen avan ou al abòde yon fi, eske ou pa pral fè’l santi’l anmède. E si ou ta apwoche moun nan, si li di’w li okipe, oubyen li pa reponn ou, se ba li distans li, sa se yon siyn ke li okipe, oubyen li pa sou pale.

4- Pa konprann sa “NON” vle di
Pandan ke pèsistans se yon bon bagay pou ou gen lakay ou, men li bon pou ou tande. Lè yon fi di’w non, ou pa ta dwe tann li di’w non 2,3 fwa epi ou toujou rete ap pèsiste. Gen yon kantite fwa yon moun di ou non, la se annwiye ou ap annwiye moun sa. Depi fi an di’w non pito ou bay vag, rete tann pou yon lòt fwa.

5- Panse ou gen kontwòl fi a
Ou apèn antre nan konvèsasyon ak yon fi, li pa ko menm di ke nou ansanm, ou gen tan ap pase’l lòd. Li bon pou ou konn ròl ou, avan ou pase moun nan lwa, tann lè ou menm ak moun sa rekonèt ke nou nan yon relasyon. Ou menm ak moun nan poko menm gen 3 mwa ansanm ou gen tan ap di sa li ka fè ak sa li pa ka fè. Pandan ke relasyon an gen pou li rive nan pwen sa, men li bon pou ou rekonèt nan ki pwen ou ye ak moun sa, e se ki dwa ou gen sou moun sa. Lè ou apèn antre nan relasyon ak yon fi, angi w’ap di li sa pou li fè ak sa li pa ka fè, pito ou pase mesaj ou pa fè li rekonèt sa ou renmen ak sa ou pa renmen, e toujou fè’l rekonèt ke li pa gen ankenn presyon pou li chanje sa. E si fi sa vle antre nan yon relasyon ak ou, peu a peu w’ap wè l’ap fè ou plezi pa jis ap fè sa ou renmen yo. Pa egazanp si ou pa renmen zanno ki nan lang li an, l’ap retire’l, men kite li retire’l sou tan pa’l.

6- Ou apèn rankontre fi an ou di’l “I LOVE YOU”
Gen yon pakèt gason Haitien ki gen sa pou defò, gen sa ki pa konnen ki lè pou yo itilize “I LOVE YOU” an, gen sa tou ki jis itilize’l menm jan ak lè y’ap di an Kreyòl ” MWEN RENMEN’W “. Men sa yo pa konprann lè yo di yon fi yo apèn rankontre “I LOVE YOU” fi anpil fwa panse ke yo fou. Yon nan pou konnen kòm yon gason ou pa di yon fi “I LOVE YOU” si ou pa konn fi sa byen. Li bon pou ou kòmanse konnen yon seri bagay de fi sa, mès fi sa a, se yon moun ki sibi pou ou, etc… tou senpleman an ou itilize “I LOVE YOU” asire’w ke ou moun sa trè byen.

7- Ou pa ka rekonèt fi an se brase l’ap brase’w
Ou ansanm ak yon fi, se sèl ou k’ap fè. Tout sa li mande’w ou toujou pre pou ou fè li pou li, e poutan lè ou rele’l nan telefòn li pa pran’l, ou mande’l soti li toujou gen yon bagay pou l’al fè. Chak fwa ou vle al pi lwen ak li, li rale kò’l sou ou, ou gen plis ke 3 mwa ou nan relasyon ak fi sa menm yon ti bo li pa vle fè pou. Fi sa tou senpleman ap pran avantaj de ou, e ou kontinye ap fè, e toujou la pou li.

8- Adrese yon fi nan yon lang ou konnen li pa pale
Gen yon pakèt dyaspora yo rive an Haiti, yo wè yon bèl fi yo ta renmen pale ak li, yo adrese li an Anglè apre yo konnen ke fi sa gen anpil chans pou li pa kon prann sa y’ap di an, oubyen apre chak 2, 3 mo kreyòl yo mete yon BUT, SO, YOU KNOW, etc… Gen yon seri de gason Haitien ki rive USA yo konnen ti dam nan pa pale Fransè yo adrese li an Fransè. Gen seri de lòt gason Haitien ki konnen yo pa ka pale Fransè oubyen Anglè a men y’ap fòse pale lang lan malgre yo konnen ke dam nan konn pale kreyòl, pafwa fi an ki wè misye ap fòse twòp yo reponn yo an Kreyòl, pou yon rezon yo la ap fòse toujou.

9- Pa konnen jan pou konpòte’w an piblik
Kòmanse yon diskisyon pou san rezon, malgre tout moun ap di ou kite sa malgre sa ou pa wè ni 1 ni 2 se goumen pou al goumen. Toutan moun ap kenbe’w se lè sa ou fè plis bank. Fè sekirite mete’w deyò nan CLUB. Joure yon fi paske li pa vle pale ak ou, oubyen danse ak ou.

grope2

Categories
Lifestyle Relationship

14 Siyn ke nèg sa gen pou li bat ou

RELATIONSHIP – Lanmou pa dwe fè mal, depi li gen doulè ak pèrèz ladan li pa lanmou ankò. Yon gason pa jis leve yon bon jou ke li pral bat ou, nan aksyon’l nan sa l’ap di’w, li deja fè’w konnen li pral fè’w sa trè byento. Pa kite se lè li fin kraze zo figi’w pou ou wè li lè pou ou kite relasyon sa a, men pito gen tan pran devan bay jete an.

1- Li ensekirite
Yonn nan bagay tout fi dwe konnen ke yon gason ki renmen’w pa bezwen konnen tout kote ou ye, pa bezwen avèk ou 24 sou 24, pa bezwen al nan travay ou chak jou, pa bezwen konnen ak ki moun ou ap pale tout tan. Depi li kòmanse kon sa ou mèt konnen nèg sa pral yon pwoblèm pou ou. Si ou aksepte sa depi o kòmansman lè li vin pa ka jwenn ou yon jou li pral kòmanse akize’w ke w’ap fè yon bagay mal. Wi se bèl bagay lè yon fi gen yon nèg k’ap ba li atansyon’l, men tròp atansyon se yon malè k’ap ret tann pou rive.

2- L’ap detache’w ak zanmi’w, fanmiy ou
Wi sa ka rive kote gason an kòmanse ap detache’w ak yon seri de zanmi, men lè gason an jis pa vle pou ou pale avèk ankenn moun, e lè ou mande’l pou ki rezon, li pa ka di’w pouki sa, la se yon pwoblèm. Menm manman’w sè’w, frè’w, kouzin ou, zanmi danfans ou, l’ap limite’w avèk yo, ou mèt konnen li gen yon plan pou ou. Lè ou pale avèk yo sa enève’l, ou mèt bay jete an paske vyolans lan pa two lwen.

3- Li santi’w ou twò bèl fanm
Ou gen yon gason ki santi bote’w se yon pwoblèm, paske sa koz lòt gason gade’w. Ou pa ka mete nenpòt rad fò li aprouve li avan, ou pa ka al fè cheve’w, ou pa ka mete makiyaj, depi w’ap soti ou fè ou fre li gen tan ap di’w se kay yon lòt gason ou prale. Li gen pwoblèm si yon lòt gason gade’w. Si yon gason gade’w li ansanm avèk ou, li gen fache avèk ou, pou li, li santi se ou ki atire moun gade’w. Fanm kon gason pa ka ba ou konpliman devan li. Sa se yon gro maladi li ye, e li p’ap chanje, e gen yon lè l’ap fè ou ront nan piblik, e li ka menm leve men sou, e si li pa fè li jodi l’ap fè li demen ka menm.

4- Li toujou ap menase’w
Pa janm pran sa lejè lè yon gason ap menase’w. Depi l’ap di’l ou mèt konnen li gen sa nan tèt li, se jis okazyon an ki poko rive.

5- Li gen gro kòlè
Gason ki pa ka kontrole kòlè li, p’ap rete tro lontan pou li kòmanse tire kou sou ou. Lè li fache ak ou, se swa l’ap graze bagay, l’ap frape miray kay la, tout siyn agresyon sa yo, se avètisman kou pa ou ap vini.

6- Fè jalouzi pou nenpòt ti bagay
Lè yon nèg trò jalou sa pa vle di se renmen’w li renmen’w, men li plis konsidere’w kòm pwopriyete’l. Pou li menm ou se pou li, depi li wè yon moun yon jan tro pre’w, li gentan gen pwoblèm ak ou. E l’ap gen pwoblèm avèk ou, pou nenpòt moun ke ou pwòch ansanm ak li, fi oubyen gason. Ou pral kòmanse nan kache pou ou pale avèk pwòp fanmiy ou. E lè nèg sa dekouvri ke ou nan pale ak fanmiy ou, zanmi’w ou mèt mete nan tèt ou li ka atake’w.

7- Li maledve
Ou gen yon gason li pa gen kontwòl avèk bouch li, li pa bezwen konnen kote li ye, fò’l voye pye. Li pa bezwen si gen moun la, si pa gen moun la pou li di’w nenpòt bagay. Ou mèt mete’w byen ba devan’l se monte l’ap monte.

8- Li gen tèt di
Sa li di se sa, ou pa ka fè li wè ankenn rezon. Depi ou ouvè bouch ou pou ou di yon bagay se yon rèl li fè dèyè’w.

9- Ou santi lakay ou se yon prizon
Lè ou nan lari kè ou kontan, depi ou pral antre lakay ou ou te deja toumante. Depi ou antre se yon pale anpil. Lè ou antre ou pa konnen si pou ou salye li, si pou ou jis antre nan chanm nan. Ou pa janm vle menm kote ak li andedan kay la. Lè li nan salon an ou nan chanm, lè li nan chanm nan ou nan salon an.

10- Li vle pou ou obeyi’l
Lè l’ap pale avèk ou li trete’w tankou se yon ti moun. Pafwa li fòw sonje papa’w jan l’ap di pou ou fè yon seri de bagay.

11- Ou pa ka di li ou fatige, na fè’l demen
Lè l’ap fè sex, tout sa li di’w pou fè, li vle ou fè yo. Li pa bezwen konnen si ou fatige, si ou malad, ou pa ka di li anyen. Pafwa li parèt trè vyolan ansanm ak ou lè n’ap fè sex.

12- Li damou vit
Lè ou wè yon gason tonbe amoure de ou rapid, fò ou fè anpil atansyon ak sa. L’ap fè ou konnen ou se sèl fanm sou latè, li pa wè lòt fanm devan’l, men pandan ke se rèv tout fanm pou yo gen yon gason kon sa, men lè yon gason ap di’w tout bagay kon sa pandan ke ou poko menm konnen moun sa tro byen, sa se yon gro siyn pou ke nèg sa ka yon pwoblèm pou ou.

13- Li di’w li bat fanm deja
Pran nòt, lè yon gason di li ba fanm kou deja, menm si l’ap di’w se fi an ki te lakoz sa, pa rete kwè li. Gason ki abitye bat fi gen anpil chans pou li bat ou tou. Lèzòm ka chanje men fo li ka rekonèt fot li, toutan l’ap lage kòz lan sou yon lòt moun ou mèt rete kwè l’ap refè li ankò.

14- Li se yon tafyatè
Lè ou gen yon gason ki pa ka kontwole kantite tafya pou li mete nan vant li, se yon gro pwoblèm. A nenpòt lè li ka antre nan kay la li fè yon dega sou ou. Pa rete nan yon relasyon ak yon moun ki pa vle sispann bwè.

An Konklizyon
Yonn nan bagay pou fi mete nan tèt yo, gason ki vyolan pa jis geri nan yon jou. Si lide’w ap di’w ke nèg sa ap bat ou yon lè, rete kwè li gen pou li fè’l. Se raman vyolans kòmanse ak tout sou kous. Li toujou kòmanse peti a peti, jouman, menas, pousad, apre sa kanaval lage, se kalòt, kout pwen, kout pye, kout baton, nenpòt bagay la ki nan men li an l’ap frape ou ak li. Si ou pa gen tan chape kò’w, se swa li domaje’w oubyen litiye’w.

Medam ouvè zye nou, pa konfonn yon moun fou pou yon moun damou. Wi tout koup diskite, men gen limit, yon moun ki pa ka kontwole’l lè li fache se pa yon moun pou ou rete nan relasyon ansanm ak li. Si li leve men sou ou, apre l’ap vin mande’w padon, li di’w li p’ap fè sa ankò, pa kwè li, li ka pa fè’l pou yon mwa, pou 2 mwa, pou 3 mwa, men li gen pou li fè’l ankò. Gason kon sa se yon pwoblèm li genyen, yo pa jis rete kon sa pou yo geri, li gen pou li fè yon pakèt grandi, li gen pou li aprann anpil bagay nan vi’l avan pou li ta sispan fè sa l’ap fè an. Depi ou wè gason ap kontwole’w, moun ki ka fè’w wè yon seri de bagay li pa vle ou pake ak yo, ou mèt konnen nèg sa danjere.

woman-abuse

Categories
Love & Sex Relationship

Depi fi an di NON se NON, pa di se kapris l’ap fè

SEX – Gason Haitien toujou ap di ke lè yon fi di’w non se wi li vle di’w. Se kapris l’ap fè pou li demontre’w ke li pa fasil. Men sa li pa reyalize lè yon fi di non, epi li fòse kò’l sou fi an seksyèlman, sa se yon vyòl li ye. Li te mèt madanm ou, depi li di’w non, ou dwe kanpe fè tout sa ou t’ap fè an.

Gen anpil fi ki sibi de jan de aksyon sa yo. Fi an posede kò’l, li gen dwa pou li di’w si li vle sex, ou byen si li pa vle. Yon gason pa dwe panse se li menm ki pou di si fi an vle fè sex. Pou gason k’ap viv Ozetazini, yon fi ka mennen’w nan leta si apre li di’w non ou kontinye avèk aksyon seksyèl ou sou li. Ou te mèt nan lin de myèl ak madanm ou, w’ap fè sex ak li, li di’w pou kanpe, depi ou pa kanpe sa se yon vyòl li ye.

Fi an se yon moun menm jan ak ou li ye, se pa tout lè l’ap sou fè sex, menm ou menm ki gason se pa tout lè ou sou fè sèx. Fi an ka fatige, li ka santi li pa byen, li gen dwa chanje lide’l a nenpòt lè. Ou menm ki gason an pa mete nan tèt ou se kapris l’ap fè, men pito li gen yon pwoblèm, oubyen li pa santi’l de ka fè sex nan moman konnye a. Chèche sa ki fè li pa alèz, se ki sa ki fè li pa vle sex ak ou. Men fòse kò’w sou li se yon krim kont fi sa.

Si li te chanm nan ak ou, li vle soti, ou dwe kite li soti san pwoblèm. Anpil jèn gason fè erè sa kote yo bare pòt lan, yo pa vle kite fi an soti. Ozetazini depi ou anpeche yon moun kite yon chanm, yon kay, yon apatman, yon machin, etc…, sa rele Kidnapping. Menm ou menm ki gason an si w’ap soti madanm ou di ou p’ap soti, li bloke pòt lan, sa rele kidnapping. Ou ka nan yon pakèt pwoblèm, mete vye bagay nan dosye’w jis pou yon senp ti bagay ou fè, kote ou pa te gen ankenn lide mal. Fè atansyon’w avèk aksyon w’ap pran, paske sa depann de kote w’ap viv lan li ka ilegal.

Men malgre tout sa, bagay sa yo pa bezwen gen pou wè ki kote w’ap viv, menm si w’ap viv Haiti, Canada, France, USA, etc… li bon pou respekte moun. Vyole volonte yon moun se krim inhumain. Pèsòn pa gen dwa pou vyole kò yon moun. Mete nan tèt ou kòm gason, apre ou di yon moun non pou yon bagay ke ou pa vle fè avèk kò ou, pou moun sa fòse kò li sou ou, se kouman ou t’ap santi’w. Ou mèt kò’w ou di non, pou moun nan arive fè’l kan menm.

Mesaj la senp, e se yon sèl mo li ye “NON”, Mesye respekte mennaj nou, madanm nou. Se yo ki mèt kò yo, e se yo ki pou ba ou pèmisyon pou ou antre nan nenpòt aksyon avèk yo. Yon lòt fwa ankò menm madanm ou ki di’w non ke li pa vle fè sex nan moman ou fòse kò’w sou li, se vyole ou vyole li.

vyolasyon-fanm

Categories
Love & Sex Relationship

12 rezon ki fè madanm ou al nan bra yon lòt gason

RELATIONSHIP, LOVE, SEX – Lè ou gen yon fi nan men’w ou pa ba li enpòtans li merite a, se pouse w’ap pouse li. E anpil fwa lè ou reyalize sa, se lè pakèt li fin ranje pou’l ale. Nou menm gason anpil fwa nou pa janm bay fi ki soufri pou nou an valè li merite an, se lè’l ale se lè sa nou wè sa nou pedi. Bay madanm antansyon li merite an, e toujou ba li play premye li okipe an. Jou ou pa fè’l santi se li ki an premye an, sa ase pou li tonbre nan bra yon lòt gason.

1- Ou fin genyen fi an ou bay kò’w vag
Konnye a ou fin gen fi an, ou pa wè rezon pou ou kontinye ap enpresyone’l. Menm jan ou vle pou madanm ou toujou kenbe kò’l se menm jan fi an vle pou nennaj li rete fre tou. Pandan ke fi an jalou anpil, men li renmen lè zanmi’l ap di’l kouman mennaj pa li an toujou fre, konn abiye. Si ou jèn ti gason ou kòmanse ap blanchi, pa gen anyen ki move si ou nwasi, lè sa w’ap parèt jèn. Paske se pa tout fi ki renmen pou mari’l plen bab blanch ak cheve blanch. Lè w’ap soti si rad lan parèt chifonnen pase yon ti fè arepase sou li, achte ti pafen pou ou ka santi bon, etc… Fi renmen bagay ki bèl, santi bon ba madanm ou anvi pou li kanpe bò kote’w. Yonn nan bagay pou ou mete nan tèt ou, fi an toujou fokis sou detay, sa ou pa ba li enpòtans lan li te gen tan wè li.

2- Ou bay manman ou ak fanmiy ou plis enpòtans ke li
Wi se manman’w ki ba ou lavi, se li menm ki bay syè li pou ou, men se te devwa li, e li konnen lè ou te vin gran ou gen pou te kite li pou al jwenn madanm ou, e pou al fè vi pa ou. Pa gen anyen ki move si ou renmen fanmiy ou, la pou manman ou, men lè tout bagay se manman’w, se fanmiy, ou fè fi an santi’l ke li nan konpetisyon ak fanmiy ou. Fi an pa bezwen anpil pou li kòmanse fè jalouzi, li la l’ap konplenn ki jan ou pa montre’l ke li enpòtan, ou menm toujou pre pou ou ap di se manman’w ki mete’w sou tè a, fanmiy ou te la avan li, men li deja konnen sa, se jis l’ap di’w mete li nan menm otè ak yo, ba li enpòtans ke ou ba yo an, e ou ta dwe mete li an premye nan tout sa ou w’ap fè. Pandan ke relasyon’w ak madanm ou ap de grengole, fanmiy ou menm ap viv ak mari, madanm yo. Alò mesye pa kite fanmiy ou vin yon pwoblèm pou madanm ou. Ba yo limit yo.

3- Ou wè bote tout lòt fi men ou pa janm ka wè pa madanm ou
Si pou bèl fi w’ap toujou wè lòt fi ki bèl, e madanm ou konnen plen lòt fi ki pi bèl ke li. Men li vin yon pwoblèm pou li se lè ou wè tout lòt fi bèl, menm sa nan zye’l ki pa ta dwe menm nan konparezon ak li, paske li santi li pi bèl fanm ke yo, ou toujou pre pou ou di kouman fanm sa bèl, e tandiske li la anba zye’w lan sa pa janm soti nan bouch ou pou ba li menm yon ti konpliman. Li pran tan’l pou li fè li bèl pou ou, fè cheve’l, sousi, li menm fè sa lòt fi yo fè ke ou trouve ki bèl lan, men lè se li ki fè yo ou pa menm wè sa a, angi ou ba li konpliman, se joure w’ap joure’l, mande’l ki tenten li fè nan figi li la, ki jan de rad li mete la, e ou pa menm reyalize se menm sa ou te wè bèl sou lòt medam yo, se yo li gen sou li.

Mesye bay madanm ou konpliman, di li kouman li bèl devan zye’w, di li kouman li fè rad sa byen, di li kouman fès li byen kanpe nan pantalon an, epi ba li yon ti tap sou li, fè li konnen ou wè’l, lè li fin makiye ak fa li nan bouch li beze li, se yon fason pou ou di li kouman tèt bouch li atire’w kouman ou santi’l ou ta manje’l, souse’l. Fi an plis vle tande’l nan bouch ou, kouman ou wè li bèl, lè tout moun ap di kouman li bèl e ou pa janm di li sa, sa fè’l santi ou pa renmen li, ou pa gen santiman pou li. Bay madanm nou konpliman pou menm zong li fin fè, di li kouman dwèt li bèl, se yon fason pou fè li konnen ke ou toujou enterese a li.

4- Ou jis pa ka kanpe
Lè ou rive nan ka sa ou mèt konnen chen pral manje’w. Lè yon fi di li pre pou li fè Sèx epi pou toto di li pap kanpe, menm si madanm ou di’w cheri pa bay tèt ou pwoblèm, ebyen ou mèt konnen ou mèt al lakay doktè, pran remèd, mande zanmi’w se ki jan pou ou regle pwoblèm sa. Paske lè yon fi di li sou sa, pou ou pa ka desann dife li, la ou nan pwoblèm, e ou mèt bon jan panike. Li ka pran’l 2, 3, 4 fwa nan men’w, men sou senkyèm fwa ou mèt konnen li pral chèche jwenn yonn kote pou li satisfè tèt li tou. Li enpòtan pou yon gason toujou mete’l pre a sèvis madanm li, depi ou pa ka ba li sèvis, gen yon moun ki pral oblije fè sèvis lan pou ou.

5- Ou parese
Gason parese pa ka gen fanm. Jis panse, malgre yon gason leve chak jou al travay, peye Bill kay, okipe ti moun, fi an jwenn pou li di’l kouman li pa vo anyen, ou menm yon gason ki parese, ou gen pou pran anpil brimad anba men fi sa. Yonn nan bagay, ou menm gason sa p’ap ka pale ak fi sa, dayè se li menm k’ap ba ou. Lè fi an bezwen yon bagay ou pa ka ba li’l. Fèt li rive, anivèsè maryaj li rive, ou jis kanpe ap gade li, menm yon branch flè $5 dola ou pa ka bali. Ou si tèlman parese, madanm ou pa gentan ranje kabann nan nou te kouche an paske ou t’ap dòmi sou li, lè’l te rive pou l’al travay, lè li retounen lakay la li jwenn kabann lan tou degaye. Ou fè tout jounen an lakay la, li sot travay se lè li antre w’ap di’l ou grangou, tandiske se ou menm ki ta dwe kite yon bagay pou li manje. Fi renmen gason k’ap antreprann anpil bagay, k’ap fè mouvman ak kò li, gason ki gen motivasyon ak anbisyon. Si ou pa vle fè yon bagay ki pou ede tèt ou, li p’ap pran anpil tan pou fi an santi ke li pa gen plas li la.

6- Ou gen tèt di
Ou se yon moun ki pa tande, pa gen moun ki ka fè ou wè rezon. Depi ou mete yon bagay nan tèt ou, pa gen moun ki ka chanje’l. Pawòl madanm ou pa enpòtan pou ou. Lè li di ou yon bagay ou pa ba li enpòtans. Ou pa konnen ki lè pou bay legen lè gen yon diskisyon. Se ou menm ki pou gen rezon. Yonn nan bagay ki enpòtan nan relasyon se kominikasyon, depi yon koup pa ka kominike antre yo, ou mèt konnen yo nan rout pou destriksyon. Fi renmen lè yo gen yon moun ki koute sa yo gen pou yo di, e ki chèche konprann yo. Sa pa vle di ou dwe dakò ak tout sa madanm ou di, men depi li fè sans, li bon pou ou aplike sa li di an. Si ou pa gen tan pou ou tande li, ou pa vle konprann li, li pral chèche yon moun ki ka konprann li, ki ka tande’l. Mesye koute sa madanm nou gen pou di, si sa li di an fè sans, mete li an aplikasyon, sa ap fè li konnen ke ou bay sa’l di valè.

7- W’ap tronpe’l
Yonn nan bagay gason pa reyalize, madanm yo gen yon santiman tou, menm jan ak yo. Tout fi ap rete tann pou menm jan yo rete fidèl a mari yo, pou mari yo rete fidèl menm jan tou. Men akoz anpil gason pa panse ak mwèl tèt yo, yo plis kite penis yo panse pou yo, yo abize konfyans medam yo. Lè yon fi aprann ke mari li tronpe’l, fi sa gen anpil a panse, malgre sa li gen kouraj pou li padone gason an, men anpil fwa aksyon sa kontinye repete, e repete ankò anplizyè repriz, apre fi sa pase anpil nwit blanch, anpil tèt zorye lave ak dlo zye yo, fi sa vin ap chèche yon kote ki pou konfòte’l. Anpil fwa fi an pa ale nan bra yon lòt gason pou li tire revanj men pito se paske li vle jwenn yon sans de sekirite, yon moun ki ka seche dlo sa k’ap koule nan zye li an, yon moun ki ka di li ou vo pli ke sa a, yon moun ki ka debarase’l de panse sa yo k’ap manje kè li an.

8- W’ap plede akize’l
Yonn nan bagay tout moun pa renmen, se di l’ap fè yon bagay, ke li konnen ke li inosan de sa. Pa kite ensekirite’w fè’w ap plde akize madanm ou. Si ou pa gen prèv li vo mye ou pa di anyen. Akize li an p’ap ede relasyon’w lan, e li gen plis chans pou fi sa vin plis mete’l pi lwen de ou. Ou vin mete’l nan yon sitiyasyon kote li pa menm vle ale nan mache, paske li konnen lè li retounen se jouman li pral pran nan men’w. Si ou rele li, li pa gen tan pran telephone nan ou gen tan di se paske li te ansanm ak yon moun. Ou vin anpeche moun sa viv, paske chak jou li gen pou l’ap defann li, ou vin fè li pè ou. Paske li deja konnen yon jou, si ou pa sispan ou pral kòmanse leve men sou li. Mete konfyans nan madanm ou, menm si ou ta sispèk yon bagay pa nòmal, pa kouri antre nan konklizyon l’ap fè yon bagay mal, rete swiv jis kaske ou gen ase prèv nan men’w pou konfronte li. Men sispan akize li, si li p’ap fè yon bagay w’ap di l’ap fè li, gen anpil chan pou l’al fè li.

9- Vyolans
Yonn nan bagay tout gason dwe mete nan tèt li, fi an se yon gran moun li ye tou, ou pa gen dwa leve men sou li. Depi yon relasyon gen vyolans ladan ou mèt konnen nou 2 moun sa yo pa gen rezon pou nou rete ansanm. Yon bagay fi a dwe konnen si li leve men sou ou yon fwa ou mèt konnen l’ap leve men sou ou ankò, e li pa sispann. Si ou pa gen tan mete tèt ou deyò, se swa li tiye’w, oubyen li domaje’w, kote ou pa vo tèt ou anyen ankò.

10- Jouman
Ou menm gason ki gen madanm ou, ou gen yon seri de mo sal w’ap itilize pou dekri madanm ou, ou mèt konnen ou vyole tout lwa ki ekziste nan relasyon fi ak gason. Yonn nan bagay pou ni fi, ni gason mete nan tèt yo jouman se yon fòm de abi li ye. Men sa ki dwòl se yon seri gason ki chwazi pou yo joure madanm yo nan dèyè sèlman epi an aswè yo vle pou fi an ba yo sex. Lè ou menm ki gason fè sa, se yon fason ou di fi an ou pa bezwen li ankò. E lè ou fin joure yon fi, mo sa yo rete enkane nan tèt li, se nòmal pou li pa vle fè sex avèk ou ankò. San li vin pa mache pou ou. Fi sa vin pa gen lòt chwa se pou l’al nan bra yon lòt gason.

11- Trete madanm ou tankou yon bòn
Gason Haitien gen sa pou defo, depi yo gen yon fi yo ansanm ak li, yo mete nan tèt yo fi sa la, pou li netwaye kay, fè manje, fè lesiv, okipe ti moun, epi ba yo sex. Men sa nèg sa pa mete nan tèt li ke fi sa bezwen pou tèt pa li tou. E se pa chak jou pou fi an nan monte chodyè, li pa fwa tou pou ou pran madanm ou, al manje nan restoran tou. Gason Haitien toujou pre pou yo fè yon jèn fi tounen yon ti manmi, nan sèl okipe kay. Bay madanm ou tan pou li ka pran swen kò’l tou. Pran madanm ou, al nan vakans ak li, al sinema, mennen li al danse, ba li plezi, al nan plaj, fè li santi’l enpòtan.

12- Zanmi’w gen plis enpòtans ke li
Ou toujou gen tan pou ou menm ak zanmi’w, lè li mande’w pou ou pase tan ak li, se joure ou joure li. Li mande’w pou ou soti ak li, ou di li pou ki sa li pa soti ak zanmi’l pito. Men fò ou konnen se ou menm ki mari’l, pa fwa li jis vle pou li pase yon ti tan avèk ou. E se la ou pral pedi madanm ou, lòt zanmi fi sa yo toujou gen mennaj yo ansanm avèk yo, se sèl mennaj pa li an ki toujou kite li sèl. E yonn nan bagay gason pa reyalize, fi toujou nan konpetisyon ak zanmi yo, yonn nan rezon ki fè sa fi renmen pale, depi yo wè yon bagay yo p’ap kenbe’l pou kont yo.

Ou vin fè madanm ou pa gen rezon devan zanmi li, paske ou pa ba li respè li merite. E menm zanmi sa yo w’ap di pou li soti ak li an, se yo menm ki pral mete move ide nan tèt li. Se yo menm ki pral di ou pa renmen li vre, se yo menm ki pral mennen yon lòt ti jèn jan pou li, lè y’ap soti. Depi ou pa gen tan pou madanm ou, gen yon lòt jèn ti bray ki pral kouvri pou ou. E gen anpil chans pou madanm tonbe pou ou li, e lè w’ap reyalize sa l’ap gen tan tro ta pou ou.

reasonswomencheat

Categories
Beauty Fashion & Style

Yon jèn fi an Afrik tattoo zansiv li, pou li ka gen zansiv vyolèt (Video)

Zansiv vyolèt se yonn nan bagay ke anpil gason Haitien trouve trè atiran. E li fè pati nan lis bagay Haitien konsidere kòm bote, nan yon fi. Ebyen se pa sèl Haitien ki konsidere sa kòm yon bèlte. An Senegal anpil jèn ki gen zansiv roz, itilize pwosès tatou an pou yo ka gen zansiv nwa. Jèn fi ki nan video an fè konnen li p’ap janm di yon moun al fè li, paske li fè mal anpil, men dam nan ki t’ap nwasi zansiv jèn fi di pwosès lan merite’l. Eske ou menm ki gen zansiv roz wè se yon bon ide pou ou tatou li nwa? Fè yon kòmantè

Rezon ki fè sa li, li panse ke lè yon fi gen zansiv vyolèt li atire plis gason, li gen pi bèl souri, epi dan li parèt pi blan. Daprè sa li di an kenn fi nwa pa ta dwe gen zansiv yo roz.

blacking-gum

Categories
Beauty Fashion & Style

9 bagay gason Haitien pa renmen lè fanm gen sou yo

Si’w se yon Haitienne 90% pou san, se avèk yon Haitien w’ap marye. Atire yon bon gason Haitien gen anpil pou wè ak sa ou mete sou ou, e jan ou konpòte’w. Yonn nan bagay ou dwe konnen gason Haitien toujou pre pou jije, e yo pa bezwen konnen anyen de ou pou yo gen tan ba ou pote yon move non. Toutan ou parèt pi senp yo plis konsidere’w kòm yon moun serye.

1- Tatou.
Lè yon gason Haitien remake yon fi gen tatou sou li, li gen tan mete nan tèt li, fi sa se yon fi ki lage. Se yon fi ki nan move zafè. Se yon fi k’ap kouri la ri a. Plis tatou yon gason Haitien wè sou yon fi, se plis li panse, fi sa pa bon.

2- Zanno nan lang
Lè yon fi gen zanno nan lang li, nenpòt gason gen tan panse, fi sa pre pou li fè nenpòt bagay seksyèlman. Gason an gen tan mete nan tèt li, fi sa se rèn fè Oral Sex (ti bèf) li ye. Gason Haitien ale pi lwen toujou, yo gen tan mete nan tèt yo fi sa pa ka yon bon fi, paske li gen zanno nan lang li. Li se yon fi ki pa tro sosyab, e anpil fwa si li renmen fi an, e yo kòmanse pale, l’ap mande fi an pou li retire zanno sa ki nan lang li an. Paske li p’ap vle zanmi’l konnen ke mennaj li gen zanno nan lang li. Yon fi ak zanno nan lang li, li fè gason an poze tèt li yon pakèt kesyon, se konbyen nèg fi sa fè ti bèf pou li, eske yo ka pran lang ak yon fi kon sa a, etc…

3- Fo cheve, fo plim zye
Malgre se la grand mòd pou fi mete fo cheve, men majorite gason Haitien pa renmen madanm yo gen fo cheve. Yo renmen pou madanm yo rete ak cheve natirèl yo. Pou yo menm, lè fi an gen cheve natirèl li nan tèt li, li parèt pi bèl, plis sedwizant, e anplis li ka kanpe devan zanmi’l pou li di se pa fo cheve ki fè madanm li bèl. Fanm ki gen cheve koulè, tankou rouj, oranj, jòn, gason Haitien gen tan mete nan tèt li ke fanm sa pa gen travay, li gen plizyè papa pitit, se leta, ak lajan child support sèlman l’ap kolekte.

Fo plim zye a se yon pwoblèm, pou gason Haitien an lè fi an gen fo plim zye an, li vle bay entansyon ke fi sa pa yon fi reyèl. Si menm plim zye li fo, se ki lòt bagay nan li ki fo ankò. E gen anpil fi ki mete fo plim zye sa yo, yo sanble ak yon gason makiye.

4- Fo zye
Yon fi ka mete kontak nan zye li, men gen yon seri koulè kontak nan zye yon fi, depi l’ap parèt li gen tan di’w, sa se yon fanm k’ap chèche, se yon bwasè, li gen plizyè idantite, pawòl nan bouch li pa fouti gen verite ladan, etc… Ou pa ka yon fanm nwa pou ou gen yon kontak ble nan zye’w, gri, yon maron vif, depi ou parèt tout moun deja konnen koulè zye’w pa natirèl. Malgre gen anpil fi nwa ki gen lòt koulè zye ou pa jwenn souvan, men depi gason Haitien an wè’l, l’ap jije li mal. Apre li vin konnen ke se zye natirèl fi an, li p’ap gen pwoblèm ak sa.

5- Makiyaj
Tou fi makiye, men se ki jan li makiye. Gason Haitien pa gen pwoblèm ak yon ti fa, yon ti kreyon anba zye, etc… men yo gen pwoblèm ak fi ki mete twòp makiyaj nan figi yo. Yo mete nan tèt yo ke fi sa figi li gen anpil tach, figi li grizonnen. Fi sa gen yon bagay l’ap kache, e se paske li pa trò bèl ki fè li mete tout makiyaj sa nan figi li.

6- Chèn nan pye, bag nan zòtèy
Depi yon gason Haitien wè yon fi ak chèn nan pye’l, li mete nan tèt li fi sa se yon yon madivinèz, yon fi ki gen pye lejè, zye toupatou. Malgre gen anpil fi ki mete li jis pou bèlte. Malgre ou pa sitèlman wè fi ak bag nan zòtèy yo, men lè yo wè yonn, yo mete nan tèt yo ke fi sa se yon madivinèz li ye tou.

7- Anpil zanno nan zòrèy
Yon fi ki gen yon pakèt zanno nan zòrèy li, pou gason Haitien an, fi sa tou senpleman se yon limenna, yon bwasè, se yon fi k’ap lave anpil boutèy.

8- Dan lò
Yon fi ki gen dan lò nan bouch li, pou gason Haitien an, li se yon tig. Fi sa pa nan pa ka nan patirj yo. E yo p’ap pèdi tan yo al pale ak fi sa a.

9- Fi ki taye cheve yo tankou gason
Pandan ke gen anpil fi ki koupe cheve yo jis pou stil, men nan moman jounen jodi a, gason Haitien pa fin pran’l si senp kon sa. Pou yo menm fi sa se yon flannè femèl, li renmen fanm parèy li, e manmzèl ap jwe yon ròl gason.

Toutan yon fi parèt pi senp nan zye gason Haitien, se lè sa yo konsidere’l kòm yon moun plis serye. 9 ekzanp sa yo pa vle di ke tout gason Haitien panse kon sa, e ou ka jwenn diferan opinion, men ou menm yon fi ki ta vle jwenn yon bon moun pou ou fè vi’w jis fè atansyon ki stil ou pran, ki sa ou mete sou ou. Kominote Haitienne nou an toujou pre pou pase jijman, e ou pa bezwen fè anpil pou yo ba ou non pote. E anplis jis paske mennaj ou pa gen pwoblèm ak sa ou mete sou ou an, sa pa vle di fanmiy li p’ap di anyen de sa. Wi ou p’ap viv moun men aparans se yon pakèt bagay li ye, lè w’ap antre nan fanmiy yon moun. Si yo renmen’w depi an lagan gen anpil chans pou yo kontinye renmen’w, men si yo pa renmen’w l’ap trè difisil pou yo vin renmen’w.

Tattoos-On-Dark-Skin

Categories
Relationship

Eske se marye li pa vle marye menm, oubyen se avèk ou li pa vle marye?

Ou menm ki yon fi ki nan yon relasyon pou 3, 4 ane, ou wè zanmi’w, fanmiy, ansyen kondisip lekòl ou tout ap marye, chak 2, 3 mwa gen yon zanmi fi’w ki envite’w nan yon maryaj. W’ap poze tèt ou kesyon se ki entansyon jèn Homme sa ansanm ak ou. Eske l’ap janm mande’w marye oubyen se yon mouvman plase li pral ba ou? Laj ap monte sou ou, e pou jan ou wè l’ap viv la, sanble bagay maryaj la pa nan tèt li menm. Eske se ou ki lakoz, oubyen se marye li p’ap marye menm?

Eske se marye li p’ap marye menm, oubyen se avèk ou li p’ap marye?
Jan pou ou reponn kesyon sa yo, li bon pou ou idantifye yon seri de kle faktè. Premye sa pou ou konnen eske mennaj ou an kont maryaj, kote li pa vle marye ankenn moun menm, oubyen se ou menm li pa vle marye avèk li. Si ou nan yon bon relasyon kote mennaj ou ba ou afeksyon, li la pou ou lè ou nan bezwen, men pou yon rezon li pa vle marye, e li fè’w konnen ke li pa kwè nan maryaj, la ou gen anpil bagay pou ou pale ak li, negosye ak li, e an menmtan wè kouman pou ou jwenn ak li , fè konsesyon, pa mete nan tèt ou se sa ou vle an ki pou fèt men ba li yon seri de avantaj.

Men si li jis chita la li pa janm di ou anyen, l’ap tann yon moun ke li santi ki pi bon ke ou pou li al fè rout li. Li montre’w sa paske ou wè se avantaj l’ap pran de ou, e li refize chita pale ak ou, e li refize tande anyen de sa ou gen pou di, la li bon pou ou poze tèt ou kesyon sa a, se pou ki sa ou vle marye ak yon moun kon sa menm?

Kesyone motivasyon’w
Li enpòtan pou ou poze tèt ou kesyon sa a, se ki sa maryaj sinyifi pou ou, e se pou ki rezon ki fè ou sitèlman anvi marye kon sa. Eske se paske maryaj vle di yon pakèt bagay epi li senbolik? Eske se paske ou se yon kretyen, w’al legliz chak Dimanche, Eske se pou paran’w, Eske se paske laj ap monte sou ou, oubyen se jis paske tout zanmi’w ap marye? Fouye byen fon nan kè’w, epi antre nan santiman’w, eske se nèg sa ou bon jan vle marye avèk li an, epi eske ou kontan nan relasyon sa ou ladan? Chita pou ou tande tèt ou, eseye pou rete onèt ak tèt ou, kalkile konbyen fwa ou ap konplenn an menmtan w’ap plenyen de li menm. Kouri al marye p’ap rezoud pwoblèm ki nan relasyon an, oubyen se yon eskiz oubezwen pou ou ka al byen fete ak fanmiy, zanmi ou, pou montre yo ke ou marye. Maryaj se yon gro e yon long kontra ou pran. Gen anpil chans pou ou menm ak moun sa pou 40 tan, li bon pou ou marye avèk yon bon entansyon.

Konfronte’l
Kan ou reyalize nèg sa se li menm ki nèg ou an, li renmen’w, relasyon an ap byen mache, epi li sipòte’w nan tout sa w’ap fè. La li enpòtan pou ou konnen pou ki rezon ki fè l’ap pran tan’l pou li mande’w marye. Li bon pou ou konnen pou ki rezon ki fè li pa kwè nan maryaj kon sa. Li ka yon rezon ki trè senp, li ka se paske paran li te divòse, oubyen kèk bagay li te wè ki te pase yon moun ki te marye. Oubyen li jis pa vle marye paske li pa ta renmen divòse, li ka pa vle marye se paske li wè gen yon pakèt gason ki pedi tout sa yo travay pou li apre yon divòs. Kontinye pale ak li, pou ou ka konnen ki sa ki te make’l nan vi’l ki fè li pa kwè nan maryaj, se ki sa ki fè li pè.

Pran tan’w
Gason ak maryaj pa chita sou menm ban. Li pran tan pou gason an santi’l konfòtab ak mo maryaj lan. Yonn nan rezon ki fè sa se paske yo santi yo pral angaje tèt yo nan yon bagay yo pa fin konnen fiti’l. Alò li bon pou ou pran tan’w lè ou ap aproche yon gason sou afè maryaj. Pa ba’l sipriz kote ou gen tan gen dat maryaj ou, ou gen tan gen legliz pou maryaj la fèt, ou menm gen tan gen moun ki pou fè manje yo. Bagay kon sa ka fè yon gason pete kouri. Li bon pou ou pran anpil prekosyon, epi pran etap yo gradyèlman. Pale de sa pou yon bon ti tan epi aksepte pou nou viv ak sa nou diskite yo, petèt apre 2 oubyen 3 semèn nou ka retounen pale ankò sou jan nou santi nou de sa nou te diskite avan.

Iltimatòm, se swa nou marye oubyen nou kite
Presyon maryaj, gason pa jere sa tro byen. Sa ka kraze yon relasyon nan yon segond. Pa al di mennaj ou se swa ou marye avèk mwen, oubyen nou kite. La ou san lè pa janm ka jwenn yon repons. E si ou renmen gason an, e li se yon bon nèg, si ou pa ta renmen pèdi’l, pa bal presyon kon sa. L’ap pi bon pou nou travay sou sa nou ka travay sou yo konnye a. Wè si nou te ka konpromi sou sa ki pi difisil yo. Si nou pa ka dakò sou yon seri de bagay li vo mye nou kite yo, n’a pale sou yo yon lòt lè, kote nou tou lè 2 retounen nan bon sans nou. Si apre plizyè semèn oubyen plizyè mwa pa gen anyen ki chanje, la ou ka mete pye’w atè, jis asire’w ou konnne ekzakteman ki sa ou pral di li.

Jis chita ap gade revèy lan
Gen de fi ki jis kenbe silans yo. Yo jis espere mennaj yo vin poze yo kesyon an yo sèl yo, “Eske ou vle marye avèk mwen”. Ebyen se yonn nan pi gro erè yon fi ka fè. Pa rete ap soufri sanke ou pa di anyen. Paske fistrasyon pral monte ou, epi sa pral pote plis pwobèm pou ou. Ou pral fache ak moun nan pou san rezon, e lè ou ap fache an ou p’ap gen rezon. Sa ka vin kreye yon diskisyon, epi sa ou tande a menm goumen ka pete, e sèl sa ou te bezwen di moun nan, pou ki sa ou pa janm mande mwen pou’m maye avèk ou.

Fè’l panse se ide pa’l
Anpil gason pa renmen pou fi ap anmède yo pou mande yo marye. Yo plis wè yo mete yon je nou atè, epi mande mennaj yo si yo vle mareye ak yo, kote yo pran mennaj yo totalman pa sipriz. Mèyè fason pou ou arive fè sa, se fè li panse se li menm ki vle marye, kote ou jis plante ide a nan tèt li, epi kite li grandi. Sa kòmanse pa ou menm ki mete’w trè atantif, ou ouvè yon seri de konvèsasyon san ke ou pa ba li iltimatòm, e ou pa ni pran yon pozisyon ofansiv oubyen agresiv ki pafwa rive lè nou santi nou blese.
Pa ekzanp ou ka di’l, “Si nou t’ap marye se ki jan ou ta renmen li fèt”, apre sa l’ap di ou, epi w’ap di li, “fantastik!, mèveye! gade yon bèl ide”. Se sa ou rele ranfòsman pozitif lan. Fè li di’w jan li ta renmen maryaj li fèt, epi ba li bèl konpliman pou sa li di an. Konnye la se ide pa’l ki pase. E li pale san ke ou pa ba li iltimatòm. La ou deja fè li konnen ou pre pou ou marye ak li.

marriage-proposal

Categories
Love & Sex Relationship

7 gro erè gason fè nan fè sex

LOVE & SEX – Gen anpil gason ki toujou pran pòz konnen yo, se nan pran pòz konnen yo sa ki fè madanm, mennaj yo kite yo. Se pa tchoukoup, tchoukoup, men pito karese mennaj ou, fè’l antre nan yon mond mèveye. Yonn nan bagay tout moun dwe mete nan tèt ou pa janm fin konnen li bon pou ou ap enfòme’w e aprann, e ou dwè fè sa nan nenpòt bagaynan lavi.

Erè #1 – Kòmanse fè lanmou nan chanm
Premye bagay pou gason mete nan tèt yo, fanm pa menm jan ak gason. Batri gason toujou chaje kan li gen pou wè avèk sex. Men fi an li bezwen pou ou ba li chaj, lè li fin pran chaj fò ou bali yon ti pousad, ponpe gaz lan, avan li ta vle kòmanse vle vin sou sa.

Sa vle di, li bon pou kòmanse ap fè yon seri de bagay depi nan lajounen pou ke lè ou rive nan chanm nan li deja plis pare pou ou. Li bon pou ou ap beze li, kenbe men li, dwèt nan fant dwèt, anbrase li, montre ke ou apresye li, amize nou ansanm, etc… Lè yon fi santi li an sekirite nan yon relasyon sa vin fè li plis alèz avèk ou lè y’ap fè sex. Lè ou anbrase’l pou yon bon ti tan, sa ka mennen yon pakèt bagay espesyal pou ou. Yon akolad ki dire plis ke 30 sekond stimile l’ocytocine, ki se yon hormone fi posede ki kreye [yon] sans de koneksyon avèk konfyans.

Erè #2 – Asime ke ou konnen sa yon fi vle
Ou wè lè ou antre nan yon restoran pou ou al achte yon manje pou mennaj ou toujou mande’l sa li vle, menm si ou konnen sa li renmen sa pa vle di se sa li santi li ta vle manje jodi an. Ebyen li bon pou ou pale ak mennaj ou, mande sa li renmen, sa li vle de sex, ki sa li ta vle eseye. Li bon pou ou toujou kite pòt kominikasyon an ouvè antre nou. Paske fi an ka fè’w panse w’ap fè yon bagay serye, l’ap fè bri, fè alsiyis, vin fè tèt ou gro, fè ou panse ou se yon gro matcho, e pou tan ou jis pa konnen ou se yon gro voryen nan fè lanmou.

Erè #3 – Rete a plan ou genyen an
Pa mete nan tèt ou si’w te fè sa ayè, pou ou toujou kontinye ap fè menm bagay lan chak jou. Yonn nan bagay pou ou konnen, bagay ki fè yon fi sou sa gen pou wè ak jan li santi’l. Lòt bagay pou gason mete nan tèt yo ke lè fi pral gen règ yo, ou byen règ li fini, se lè sa li plis anvi fè sex. Sa vle di nan moman sa ou pa bezwen fè tròp bagay pou ou mete li sou sa. Alò règ yon fi jwe yon pakèt ròl nan vi seksyèl li. Sa depann ki lè li ye nan mwa pou fi an, pwent tete li ka vin pi sansib, fi an ka plis eksite seksyèlman.

Erè #4 – Jis kenbe sex lan fizikman sèlman
Gen yon seri de gason ki sitèlman panse se thoukoup, tchoukoup lan pou yo fè sèlman. Li bon pou ou karese fi an, vini avèk ide ki pou pwolonje tan w’ap fè karese’l lan. Pandan ke gason ka eksite jis de sa yo wè, men fi an imajine anpil pandan y’ap fè sex, pou yo ka eksite tèt yo. Alò ou menm li bon pou lè ou ap fè lanmou ak mennaj ou fè’l antre nan yon mond mèveye. Apre pou li nan travay li, ap kondwi, pou l’ap panse sa ou te fè’l yèswa, pou mouvman yo rete grave nan tèt li, e pou li kanpe ap ri pou tèt li, pou moun panse li fou.

Erè #5 – Panse penetrasyon sèlman pral fè yon fi vini
Pou 80% pou san fi, sèl penetrasyon pa ka fè li vini. Rezon pou sa, majorite pozisyon fi an pran lè li ap fè sex, yo pa stimile klitoris (lang vajen) lan. Gen lòt fason ou ka fè yon vini. Yon fi pi fasil pou li vini lè w’ap ba li sex oral (ti bèf) ke nan penetrasyon. Toujou eseye pran pozisyon pou fi an anlè, e an menm tan li bon tou si ou gen yon vibratè pou ou itilize sou madanm ou. Ou pa bezwen mete nan tèt ou ke fi an p’ap bezwen’w ankò si ou itilize vibratè sou li. Kontak moun nan l’ap bezwen li ka menm. Jis kite penetrasyon an pou ou menm, yon vibratè pou ou itilize sou klitoris lan pa ta dwe yon pwoblèm. Jis mete’w alèz ak madanm ou.

Li dwe devwa yon gason pou madanm li voye chak fwa li fè sex ak li, sa vle di pa nenpòt sitiyasyon fò li vini. Pou ke yon fi jwenn syèl pandan l’ap fè sex, pran tan’w pou ou byen karesel avan ou penetre’l. Toutan yon fi plis eksite seksyèlman avan penetrasyon se plis chans li gen pou li voye.

Erè #6 – Pa sedwi fi an
Fanm renmen pou ou sedwi li. Sediksyon enpòtnan kòm, oubyen pafwa plis enpòtan ke teknik. Li fè’w konnen kouman pou ou mete madanm ou sou sa, oralman, vizyèlman, mantalman. Eske mennaj ou renmen lè ou voye mesaj seksyèl ba li oubyen pale de sex nan telephone ak li. Pase dwèt ou sou lestomak li tou dousman. Ap jwe ak li nan yon bar seksyèlman. Si ou renmen sa ou wè an, fè mennaj ou konnen kouman li parèt trè agreyab devan zye’w.

Erè #7 – Mete tout fokis sou sonnen klòch lan sèlman
Anpil fi bezwen pou ou jwe ak klitoris li pou li ka voye, men li pa si senp ke jan ou panse a. Anpil gason pa konprann anatomi de klitoris lan. Li plis ke yon ti bouton w’ap gade, nerve li distribye nan vulve lan e tout andedan vajen an. Tout se pwen plesantri seksyèl ki esansyèl pou ou eksplore. Ou ka ale epi retounen, potre tròp atansyon a gland yo anlè vulve lan ka retire nan plezi an pou yon seri de fi. Li trè sansib, si ou jwe twòp ak li, li ka vin fè fi an mal.

forplay

Categories
Education Love & Sex Relationship

Tout bagay ou te vle konnen de ejakilasyon fanm

LOVE & SEX – W’ap fè lannou ak mari’w, e l’ap byen jere’w tou den kou, ou di mari’w kanpe, kanpe, kanpe… si li pa kanpe w’ap pipi sou ou. Wa sezi konnen konbyen fwa ou anpeche tèt ou ejakile. Ejakilasyon pou fi rekonèt sou fòm de yon dlo ki jayi oubyen yon gouch dlo an anglè yo rele sa a “gushing or squirting”

Ann di ou ap fè sex ak mennaj ou, l’ap byen frape yon kwen, tou den kou, ou santi ou gen yon pipi ou pa ka kenbe ankò, epi ou di mennaj ou kanpe, kanpe, kanpe, si li pa kanpe ou ap pipi sou ou. Ebyen ou apèn kanpe tèt ou fè yon eksperyans de yon fenomèn ki rele, ejakilasyon fanm. Ebyen pa fè sa ankò, si se yon tapi pou mete sou kabann ou avan ou fè lanmou, mete li, paske se pa pipi ou genyen vre se “voye ou pral voye”.

Se ki sa ejakilasyon fanm ye menm? Ejakilasyon fanm se yon likid ki soti nan POINT G (G-SPOT), e li sekrete pa “glandes Skenes / para-urétrales par l’urètre avant et / ou pendant l’orgasme”. Malgre likid ki soti pandan ejakilasyon fanm soti nan l’urètre, men mete nan tèt nou se pa pipi li ye. Likid sa se fi k’ap voye, e li soti nan kanal ki alantou l’urètre, men li pa soti nan sak pipi an. Rezon ki fè anpil moun ka panse se pipi li ye se paske pafwa li konn pase monte nan sak pipi an, e sa rele “l’éjaculation rétrograde”. E paske ejakilasyon fanm ka melanje ak pipi, e pafwa li ka menm genm yon seri bagay ke pipi gen tou, anpil moun panse se pipi, men se pa vre.
Ejakilasyon fanm nètman diferan de pipi. Likid vajinal nòmal lan ka varye de diferan faktè, tankou nan gou, odè, koulè epi konsistans, sa depann si li gen règ, nivo òmón li, manje li te konsome, si li gen yon enfeksyon, etc… Tandiske ejakilasyon fanm trè konsistan nan gou, odè, ak koulè. Li gen yon odè sikre, yon likid ki sou fòm dlo. Li pa menm jan ak likid lè fi an mouye pandan l’ap fè sex akoz de eksitasyon, oubyen lè fi an gen yon Orgasme.

 

Se ki sa ki la koz yon fi ejakile? Pandan fi an ap eksite seksyèlman POINT G an vin elaji, epi tissu ki alantou l’urètre vin angòje ak san, glandes / para-urétrales de Skene yo kòmanse ap pwodwi epi li vin plen ak likid. Avèk presyon dwèt, jwèt seksyèl, penis, oubyen kontraksyon pou yon orgasme, pouse likid sa soti nan ouvèti l’urètre lan sa vin koz ejakilasyon an. Kantite de likid ki soti sa ka varye de yon fi a yon lòt, men an jeneral li ta dwe 2 kiyè tab. Tout sa depann eske fi an gen anpil dlo nan li oubyen eske li pouse anpil.

Eske tout fi ka fè eksperyans ejakilasyon fanm? Tout fi gen glandes de para-urétrales / Skene, sa vle di tout fi ka pwodwi likid sa , e ka arive gen yon ejakilasyon fanm. Kiryezman anpil fi fè eksperyans ejakilasyon feminin pandan y’ap fè sex, men akoz yo pa konnen sa k’ap pase yo, yo koupe’l jis paske yo pa vle pipi sou mennaj yo. Krentif sa yo genyen an fè yo fèmen Muscle PC (pubococcygeus muscle) ki vin anpeche yo kite likid lan soti. Enkapasite pou moun nan detann li, koz li anpeche pouse pou li ejakile. Enkapasite sa rive jeneralman de sa moun sa pa konnen konsènan de seksyalite, anbarasman, tò oubyen kilpabilite, e sa li pa konnen de sistèm repwodiksyon fanm, li pa antre nan kontak ak pwòp kò li, li pa gen yon konpreyansyon pwofon de ejakilasyon fanm, li manke koneksyon e/oubyen konpatibilite seksyèl avèk mennaj li, e sousi.

Se kouman pou yon fi ogmante chans li pou li gen Ejakilasyon Fanm? Premye sa pou ou fè, sispann fòse tèt ou, tankou al eksplore tout bagay ki nouvo nan eksperyans seksyèl ou. Li bon pou ou travay sou li, men sispann bay tèt ou pwoblèm de sa oubyen mennaj ou, pa fè’l vin tounen yon objektif nan vi seksyèl ou. Lè ou vin fè’l yon objektif pou ou jwenn li nan vi seksyèl ou, ou vin li rann pi difisil pou ou, e pou mennaj ou tou. Paske lè ou ap fè sex ou vin si tèlman ap fokis sou sa, sex lan vin pa gen cham la dan. Alò jis detann ou e laissez faire.

Konsantre Muscle PC – Lè ou ka kontrakte epi lache Muscle PC ou, sa ka ede ou vin gen yon ejakilasyon fanm.

Ajoute stimilasyon klitoris avèk Point G stimilasyon – Lè ou itilize plizyè fòm de stimilasyon sa ka fè’w vin plis eksite seksyèlman.

Konnen kote point G ou ye – Eseye itilize yon point G stimilatè pou ka lokalize ki kote li plase. Jeneralman Point G an ap vin pi fasil pou ou lokalize apre ou genyen premye Orgasme ou.

Eseye pipi avan ou kòmanse fè sex – Pipi avan ou fè sex ap plis ede’w pa bay tèt ou pwoblèm de pipi sou mennaj ou.

Konsantre epi pouse lè ou santi ou pral vini, tanke w’ap fèmen janm ou – Sa ap ede’w pouse deyò nenpòt likid ki nan glandes Skenes / para-urétrales yo. Pou nenpòt rezon pa sispann pouse, jis kite likid lan soti. Orgasme lan ap trè entans e trè agreyab.

Pale ak yon pwofesyonèl ki ka ba ou konsèy sou sex, li ka di’w sa ki anpeche’w ejakile – Ka gen yon pi gro pwoblèm ki bloke’w jwi dezi seksyèl ou.

Pwochèn fwa w’ap fè sex, si se yon tapi pou ou mete sou kakann nan, pale ak mari’w, mennnaj ou, si li mouye se pa pipi li ye. Si’w santi ou gen pipi jis pouse li deyò – sipann panse ou pral pipi sou mennaj. Pou ou ka pi alèz toujou al pipi avan ou kòmanse fè sex. Mete’w konfòtab jis kite kò’w kontrole aksyon’l epi jis jwi eksperyans ou santi an. Pale ak mennaj ou mete li alèz. Alò al jwi tèt ou, e mete nan tèt ou se yon destinasyon tout fanm dwe rive ladan, espesyalman ou menm.